2600 වන සම්බුද්ධ ජයන්තියට අග්නියෙන්.......!

සිද්ධාර්ඨ කුමාරයා බුදුවෙලා බුද්ධ වර්ෂ 2600ක් ගෙවී යද්දී ලියන්න හිතුනා අපි වෙසක් පොහොය වෙනුවෙන් අපි මොකද කරන්නේ කියල. වෙසක් පොහොය දිනයට බුදුන් වහන්සේගේ ඉපදීම, බුදුවීම හා පිරිනිවන් පෑම කියන තෙමඟුල සිහිකිරීමකුයි කෙරෙන්නේ. මේ 2600 වන සම්බුද්ධ ජයන්තිය මම සමරන්නේ ශ්‍රී ලංකා අග්නිදිග විශ්ව විද්‍යාලයයේ ව්‍යවහාරික විද්‍යා පීඨයේ ඉඳල. මගේ බ්ලොග් අඩෙවිය මුල ඉඳල කියවන අය දන්නවා මේ විශ්ව විද්‍යාලයය අවට තත්ත්වය වාගේම ක්‍රියාකාරකම් සිද්ධවෙන ආකාරය.

නොදන්නා අයට කියන්නම් මේ පිඨයේ ඉන්න තුන්වන සිංහල ශීෂ්‍ය කණ්ඩායම තමා අපි. ඒ කියන්නේ 2009/2010 batch එක. වෙසක් පොහොය වෙනුවෙන් මුලින්ම වෙසක් උත්සවයක් සංවිධානය වෙලා තියෙන්නේ අපේ senior batch එකෙන්. ඒ සිංහල ලමයි 12 දෙනෙක් වෙසක් කූඩු 50ක් පමණ නිරිමාණය කිරීමක් හා පහන් පත්තු කර පීඨය ආලෝකමත් කිරීමෙන්. මෙවර පළමු වසර සිංහල සිසුන් 30ක් හා දෙවන වසර සිසුන් 12ක් ගෙන් සමන්විත 42ක කණ්ඩාවමක් වෙසක් කූඩු 100ක් පමණ හා පහන් මගින් පීඨය ආලෝකමත් කිරීමකුයි සිදු කරන්නේ. ඒ කූඩු අතරට පරිවාර කූඩු ඇති කූඩු 4ක් හා කැරකෙන කූඩුවකුත් (අඩි 12ක් පමණ උස) ඇතුලත් වෙලා තිබෙනවා.

ඒ වාගම තමා මේ වෙසක් උත්සවයට සමගාමීව ලේ දන්දීමේ පින්කමකුත් 2011 මැයි මාසෙ 29 වන ඉරිදා දිනයේදී ශ්‍රී ලංකා අග්නිදිග විශ්ව විද්‍යාලයේදී සිදු කිරීමට කටයුතු සූදානම් කරලයි තියෙන්නේ. මේ කණ්ඩායම් දෙක විශාල දෙයක්, ගොඩක් කැප කීරීම් කරමින් තමා මේ දේ කරන්නේ. කුඩා කන්ඩායමකට වෙසක් පොහොය කියන්නේ මොකක්ද කියලවත් දන්නේ නැති පළාතකට වෙසක් හඳුන්වා දෙන එක හුඟක් අමාරු වැඩක්.

මෙන්න මෙතෙක් කළ වැඩ. මේ ලිපිය සකස් කරද්දීත් කැරකෙන කූඩුවේ වැඩ අවසන් කරල නැහැ. වැඩ අවසානයේදී සියල්ලේ ඡායාරූප දන්න උත්සාහ කරන්නම්. දැනට මෙන්න,