ප්‍රවේශම් වෙන්න මේ දේවල් වලින්.....

අපි දකින දේ වලින් මොන තරම් දේ ඇත්ත කියල අපි හිතනවද? ඒත් ඒ දේවල් කොයි වගේද කියල තේරෙන්නේ අපිත් ඒ දේවල් අත්විඳිද්දිම විතරයි. අහ්... මලා.. මොකද මේ සුලාට වෙලා තියෙන්නේ? ඒක නේද ඔයාලා හිතන්නේ. කියන්නම් කියන්නම් ඉන්නකෝ පොඩ්ඩක්. හුඟ කාලෙකින් බ්ලොග් එක පැත්තේ ආවේ. වැඩ ටිකක් තිබුණා ඒ නිසා නිදහස පොඩ්ඩක් විතර අඩුයි.

දැන් මේ කියන්න හදන්නේ අපි කොයි කාටත් විභාගයක් ඉවරවෙද්දී සාමාන්‍යයෙන් අපි හැමෝටම වෙන, වුන හා ඉදිරියටත් වෙන්න තියෙන දෙයක් ගැන කතාවක්. ඒ තමා විභාගය ඉවර වෙද්දිම අපිට එන අපි කවදාවත් අහලවත් නැති ආයතන වලින් ඒ ආයතන වලින් කෙරෙන්නා වූ වැඩසටහන් සඳහා කොටස් කරුවන් වන්නැයි කියමින් ලැබෙන්නා වූ ලිපි හා ආරාධනා පත්‍ර.

සමහර වේලාවන්හිදී මේ දේවල් ලැබෙන්නේ ශිෂ්‍යත්ව හැටියට. ඒ අය වියදම් දරල ලිපි එවල ශීෂ්‍යත්වයකුත් දෙනවා. ටිකක් විතර අමුතුයි නේද? ඒත් මතක තියාගන්න මීයක් කඩන්නේ අත ලෙවකන්න නොවෙයි කියන එක. කිසිම කෙනෙක් කිසි ලාභයක් නැතිව කිසිම දෙයක් කරන්නේ නැහැ. සමහර විටෙක මේ ශිෂ්‍යත්ව සහතික පත් සැබෑ ස්වරෑපයම එන විදිහට සකස් කලත් හොඳින් බැලුවොත් පෙනේවි මේ සහතික වල කිසිම වටිනකමක් වත් සැබෑ ලාංඡනවත් නැහැ කියන එක. මේ වාගේ ලැබෙන්නා වූ සහතික වල කිසිඳු වලංගුභාවයක් නැති අවස්ථා එමටයි.

ඒ වාගේම මෙවැනි ආයතන වල මුවාවෙන් විවිධාකාර අපයෝජන සිදු වූ අවස්ථා මෙන්ම මුදල් වංචා සිදුවූ අවස්ථාද එමටයි. මකතයේ තියාගන්න දැන් හැමෝම බලන්නේ තමන්ගේ ගොඩ වැඩිකරගන්න හැටි හා තමන්ට වාසියක් ගන්නා විදිහක්. අපි මේ දේවල් වලට රැවටිලා එයාලට උදව් කරනවා විතරක් නෙවෙයි අපේ වටිනා කාලයත් විනාශ කරගන්නවා. මට මේ ලඟදිත් ලැබුනා මේ වාගේ ලිපියක්. ඒවල යොදල තියෙන රබර් සීල්, විද්‍යුත් තැපැල් ලිපින, වෙබ් ලිපින ආදියත් විමසීම සඳහා යොදල තියෙන දේවලුත් එවල තියෙන ස්වරෑපයත් නිසා කෙනෙක් රැවටෙන එක අනිවාර්යයි. නමුත් වෙබ් ලිපිනයන් වල කිසිම සත්‍යතාවක් තියා එවැනි ලිපිනයක් අන්තර්ජාලයේ ඇත්තේවත් නැහැ. ඒ වාගේම ලිපිනය දාල තියෙන්නේ w.w.w.********.com කියල. මේක දැක්ක ගමන් තේරෙනව මේ ආයතනයේ ස්වභාවය. මේ වගේ ආයතනයක ඉගෙන ගන්න ළමයින්ට නම් දෙයියන්ගේම පිහිට තමයි.

මම දෙමාපියන්ගෙන් ඉල්ලන්නේ මේ වාගේ ආයතන වලට යවන්න කලින් හොඳින් හොයා බලන්න. ඒ වාගේම බලධාරීන්ගෙන් ඉල්ලා සිටින්නේ මෙවැනි පෞද්ගලික ආයතන වලින් සිදුවන දේ හොයා බලල යම් ප්‍රමිතියකට මේ ආයතන ගෙනෙන්න කියන එක. ඒ වාගේම මෙවැනි අධ්‍යාපන ආයතන කරන්නේ අධ්‍යාපනයේ මුවාවෙන් ඉගෙනීමට ආස කරන දරුවන් බිලි බා ගැනීමක් විතරක් කියන එක නම් සක් සුදක් සේ පැහැදිලි කරුණක්. ඒ දේවල් තව ගොඩක් දෙනෙකුගේ අනාගතය අඳුරු කරාවි.

අපි අධ්‍යාපනය කියල ලබාගන්න හදන්නේ මොකක්ද? මේ ක්‍රමයට තවත් ගියොත් අනාගතයේ අපිට ලැබෙන්නේ සහතික මිටි පොදි කරගත් පිරිසක් විතරමයි. ඉගෙනීම කරන්න පුළුවන් කාලයේ මතකයන් ධාරණ ශක්තීන් වැඩි කාලයේ සහතික වෙනුවෙන් ගතකරන කාලයේ තමන් හොඳ දැනුමක් වෙනුවෙන් වැඩ කලොත් අනාගතය ගොඩක් යහපත් කරගන්න පුළුවන් වෙයි. අපි අධ්‍යාපනය වෙනුවෙන් වැය කරන මුදල් ප්‍රමාණය නොවෙයි අපි වැය කරන කාලය වෙනුවෙන් අපිට දැනුම ලෙස ලැබෙන දේ විතරක් ලාභය විදිහට හිතල වැඩ කරන්න. රැල්ල පස්සේ නොගිහින් තමන් හිතල දැනුම පස්සෙන් දුවන්න. එතකොට රැල්ල ඔයාල පස්සෙන් නිකන්ම එයි.

මේ වාගේ දේවල් ඔයාලත් අත්විඳල ඇති. ඒ වාගේම මේ දේවල් ඇත්ත කියල තේරිලත් ඇති නොදන්නා අයටත් තේරුම් කරල දීල. අනාගතයේ වැඩදායි සමාජයක් නිර්මාණය කරන්න උදව් වෙන්න. පුංචි කොමෙන්ටුවකුත් දාල යන්න අනිත් අයට මේ ගැන ඔයාලගේ අදහසත් දැනගන්න.

6 comments:

  1. දැනුවත් කිරීමට ස්තූතියි සහෝ..
    ජය වේවා...

    ReplyDelete
  2. මේ දවස් වලටම වටින ඇත්ත කතාවක් ...ස්තුතියි

    ReplyDelete
  3. 'රැල්ල පස්සේ නොගිහින් තමන් හිතල දැනුම පස්සෙන් දුවන්න. එතකොට රැල්ල ඔයාල පස්සෙන් නිකන්ම එයි'

    - සම්පුර්ණ එකඟයි! :)

    ReplyDelete
  4. තුන්කූ වේවා සහෝ...

    ReplyDelete
  5. This comment has been removed by the author.

    ReplyDelete
  6. නියමයි මල්ලි.....වැදගත් පණිවුඩයක්.දිගටම ලියන්න.ඔබට ජය වේවා!

    ReplyDelete

කුණුහරුප හැර ඕනෙම දේකට මෙන්න ඉඩ!
තමන්ගෙම අදහසක් දාන්න කොමෙන්ටුවක් විදිහට අනිත් අයටත් හිතන්න..!