අද කතාව එක්තරා රටක් ගැනය. උදාහරණ වශයෙන් මේ රට ආසික්ලන්තය යැයි හඳුන්වමු. ආසික්ලන්තය හරිම පුදුමාකාරය. එහි සිදුවන්නේ ද හරි අපූරු සිදුවීම්ය. ආසික්ලන්ත සිදුවීම් සම්බන්ධයෙන් නොලියා සිටියද, මා සතුව ඇති තොරතුරු අපූරුය. තොරතුරු වලින් හානියට පත්වන්නන් නොමැති දිනක ලියන්නට සිතා සිටින කතා මාලාවක එක් පරිච්ඡේදයක් මෙසේ අකුරු කරන්නට සිතමි.
මා දන්නා හඳුනන මිතුරියක් ආසික්ලන්තයේ ජීවත් විය. තම මහන්සියෙන් පෞද්ගලික විශ්ව විද්‍යාලයක උගත් ඇය අද පරිගණක ක්‍ෂේත්‍රයේ රැකියාවක් කරන්නීය. ආසික්ලන්තයේ පසුගිය වකවානුවේ සිදුවූ පරිපාලන දුර්වලතා සහ, ලබා ගන්නා ලද මරිමෝඩ තීරණ හමුවේ එරට ලද ආර්ථිකමය හා සමාජයීය පරිහානිය හේතුවෙන් තම දෙමාපියන් හා හිතවතුන් අතහැර විදෙස් රැකියාවකට යාමට ඇය තීරණය කලාය. ඒ වසර දෙකක පමණ කාලයකටය. ස්වාධීන තීරණ ගැනීමේ හැකියාව නිසා තම ජීවන අභියෝගයන්ට විසඳුම් සෙවීමට විදෙස් ගතවන තරුණියකගේ සිහින, බලාපොරොත්තු ඇය ද සතු විය. ඇය හමුවේ අභියෝගයන් රාශියකි. විදෙස් රැකියාවක් සොයා ගැනීම, දෙමාපියන්ගෙන් හා හිතවතුන්ගෙන් ස්වායත්තව තනිව ජීවත් වීම සහ ස්වාධීන ජීවන රටාවකට හුරු වීම ඒ අතර විය.
මේ අභියෝගයන්ට මුහුණ දෙමින් තම අධ්‍යාපනයටත්, කුසලතාවන්ටත් ගැළපෙනම රැකියාවක් විදෙස් රටකින් සොයාගැනීමට ඇයට හැකි විය. එවන් රැකියාවක් ලැබීම යනු ලේසි පහසු කටයුත්තක් නොවේ. එයද තනිව සිදු කර ගැනීම අභියෝගාත්මකය. රැකියාව සොයා ගැනීම හා සම්මුඛ පරික්‍ෂණ සූදානම් කර ගැනීම තනිවම සිදු කරගත් ඇය අවසානයේ එම රැකියාව දිනා ඊට අදාළ කොන්ත්‍රාත්තුවත් අත්සන් කළාය. ලෝකයේ රටවල් ගණනාවක වූ තරඟකරුවන් අතරින් ඇය ජය ලබා ඇත. විදෙස් රැකියාවක් සඳහා වූ ලිපිලේඛන හා ක්‍රියාපටිපාටි සම්බන්ධ තොරතුරු, අදාළ වෙබ් අඩෙවි පිරික්සීමෙන් හා තම මිතුරන්ගෙන්, ඥාතීන්ගෙන් ලබා ගත් ඇය විදෙස් ගත වීමට සූදානම් විය. ඉහළ වැටුපක් හා අනෙකුත් වරප්‍රසාද සැලකූ කල ආසික්ලන්තයේ එවැන්නක් ලබා ගැනීමට තබා සිතීමටවත් නොහැක. එයටත් අමතරව එවන් රටකින් ලැබෙන්නා වූ මානසික සුවය වටින්නේය. කුඩා කල සිට සිහින මැවූ සියල්ල ලබා ගැනීම සඳහා වූ දොරටුව අභියස ඈ සිටගෙන සිටින්නීය.
මා දන්නා හඳුනන මිතුරියක් ආසික්ලන්තයේ ජීවත් විය. තම මහන්සියෙන් පෞද්ගලික විශ්ව විද්‍යාලයක උගත් ඇය අද පරිගණක ක්‍ෂේත්‍රයේ රැකියාවක් කරන්නීය. ආසික්ලන්තයේ පසුගිය වකවානුවේ සිදුවූ පරිපාලන දුර්වලතා සහ, ලබා ගන්නා ලද මරිමෝඩ තීරණ හමුවේ එරට ලද ආර්ථිකමය හා සමාජයීය පරිහානිය හේතුවෙන් තම දෙමාපියන් හා හිතවතුන් අතහැර විදෙස් රැකියාවකට යාමට ඇය තීරණය කලාය. ඒ වසර දෙකක පමණ කාලයකටය. ස්වාධීන තීරණ ගැනීමේ හැකියාව නිසා තම ජීවන අභියෝගයන්ට විසඳුම් සෙවීමට විදෙස් ගතවන තරුණියකගේ සිහින, බලාපොරොත්තු ඇය ද සතු විය. ඇය හමුවේ අභියෝගයන් රාශියකි. විදෙස් රැකියාවක් සොයා ගැනීම, දෙමාපියන්ගෙන් හා හිතවතුන්ගෙන් ස්වායත්තව තනිව ජීවත් වීම සහ ස්වාධීන ජීවන රටාවකට හුරු වීම ඒ අතර විය.
මේ අභියෝගයන්ට මුහුණ දෙමින් තම අධ්‍යාපනයටත්, කුසලතාවන්ටත් ගැළපෙනම රැකියාවක් විදෙස් රටකින් සොයාගැනීමට ඇයට හැකි විය. එවන් රැකියාවක් ලැබීම යනු ලේසි පහසු කටයුත්තක් නොවේ. එයද තනිව සිදු කර ගැනීම අභියෝගාත්මකය. රැකියාව සොයා ගැනීම හා සම්මුඛ පරික්‍ෂණ සූදානම් කර ගැනීම තනිවම සිදු කරගත් ඇය අවසානයේ එම රැකියාව දිනා ඊට අදාළ කොන්ත්‍රාත්තුවත් අත්සන් කළාය. ලෝකයේ රටවල් ගණනාවක වූ තරඟකරුවන් අතරින් ඇය ජය ලබා ඇත. විදෙස් රැකියාවක් සඳහා වූ ලිපිලේඛන හා ක්‍රියාපටිපාටි සම්බන්ධ තොරතුරු, අදාළ වෙබ් අඩෙවි පිරික්සීමෙන් හා තම මිතුරන්ගෙන්, ඥාතීන්ගෙන් ලබා ගත් ඇය විදෙස් ගත වීමට සූදානම් විය. ඉහළ වැටුපක් හා අනෙකුත් වරප්‍රසාද සැලකූ කල ආසික්ලන්තයේ එවැන්නක් ලබා ගැනීමට තබා සිතීමටවත් නොහැක. එයටත් අමතරව එවන් රටකින් ලැබෙන්නා වූ මානසික සුවය වටින්නේය. කුඩා කල සිට සිහින මැවූ සියල්ල ලබා ගැනීම සඳහා වූ දොරටුව අභියස ඈ සිටගෙන සිටින්නීය.
ආසික්ලන්තයේ ඇති තවත් විශේෂත්වයක් නම් යම් කටයුත්තක් සිදු කරගැනීමට අදාලව රාජ්‍ය අංශයේ වෙන් වෙන් වශයෙන් ක්‍රියාකරනු ලබන ආයතන රාශියක් පැවතීමයි. එකක් අනෙකට සම්බන්ධ නොවන මෙම ආයතන තුල එකිනෙකට අනන්‍ය වූ එකම තොරතුරු ඇතුලත් කඩදාසි පෝරම රාශියකි. සෑම ආයතනයකදීම උක්ත පෝරම පුරවා අදාල පුද්ගලයා විසින් භාර දිය යුතුය. ආසික්ලන්තයේ වුවත් රාජ්‍ය නොවන අංශයේ පරිගණක ක්‍ෂේත්‍රයේ රැකියාවක් කල මා මිතුරියට මේ සියල්ල අලුත්ය. එකිනෙකින් ස්වායත්ත වූ නීතිරීති පද්ධතීන්ද අලුත්ය. නමුත් ආසික්ලන්ත වැසියන්ගේ කතාවන්ට සහ ප්‍රවෘත්ති වලට සවන්දෙන ඇය යම්තාක් දුරට මේ පිලිබඳ අසා ඇත්තීය. ඒ හේතුවෙන් ඇය විදෙස්ගත වීමට ප්‍රථමව ඒ සම්බන්ධයෙන් වූ ප්‍රධාන ආයතන ත්‍රිත්වයක වෙබ් අඩෙවි පිරික්සන්නට විය. ඒ, අවශ්‍ය ලියකියවිලි මොනවාදැයි දැන ගැනීම උදෙසාය. ඒ ගුවන්තොටුපල, ආගමන විගමන දෙපාර්තමේන්තුව හා විදේශ සේවා නියුක්ති කාර්යාංශයයි. ඒවායින්, කුසලතා සහිත පුද්ගලයන් රැකියා සඳහා විදෙස් ගත වීමේ දී ලබා දිය යුතු ලේඛන සම්බන්ධයෙන් කියවූ ඇය අදාල ලේඛන පිටපත්ද අතැතිව විදෙස් ගත වීමට සූදානමින් ගුවන්තොටුපල වෙත පැමිණියා ය. අළුත් රැකියාව සඳහා අවශ්‍ය මූලික ලිපිලේඛන වැඩකටයුතු සිදු කර ගැනීම සඳහා ඇය පසු දින ගමනාන්ත රටේ සිටිය යුතුය. එමෙන්ම, නව සේවායෝජකයා සමඟ කල් ඇතිව එකඟ වූ, සතියකටත් අඩු කාලයකින් එළඹෙන දිනයක අළුත් රැකියාවට වාර්තා කළ යුතුය.
වෙබ් අඩෙවි වල සඳහන් තොරතුරු වලට අනුව පළමුව විදේශ සේවා නියුක්ති කාර්යාංශය වෙත යා යුතුය. ඒ, කාන්තාවක් නම් විදෙස් ගත වීමේ දී විදේශ සේවා නියුක්ති කාර්යාංශය වෙත දැනුම් දිය යුතුය යන නීතිය පිලිපදිමිනි. කාන්තාවක් වීම හැරුණු කොට විදේශ සේවා නියුක්ති කාර්යාංශය වෙත යාමේ අවශ්‍යතාවයක් නොමැත. ඒ අනුව, කාන්තාවක් නම්, කුසලතා සහිත පුද්ගලයින් සඳහා වූ රැකියාවක් නම් අදාල රැකියාවට අදාල තොරතුරු සහිතව විදේශ සේවා නියුක්ති කාර්යාංශයේ ගුවන්තොටුපල පරිශ්‍රයේ ඇති කාර්යාලයට දැනුම් දිය යුතුය. වගකිව යුතු පුරවැසියෙකුගේ වගකීම ලෙස සලකා ඇය එසේ සිදු කලාය.
කරුමයක මහත..! ඈ එසේ යද්දී එතැන් සිටි නිලධාරීන් අවස්ථාවෙන් ප්‍රයෝජන ගැනීමට උත්සුක වී ඇත. තරුණ කාන්තාවක් - අත්දැකීම් නොමැති - නියම ගොදුරක්…! අත්දැකීම් නොමැති බව මුහුණෙන්ම කියැවෙන්න ඇති. දැන් අලුත් ලියකියවිලි වගයක් ඉල්ලන්නෝය.
“පවුල් පසුබිම් වාර්තාවක් සහ ග්‍රාමසේවක සහතිකයක් ඕනි. නැතිනම් පිටවෙන්න අවසර දෙන්න බෑ.”
“ඒ සියල්ල අවශ්‍ය වෙන්නේ පුහුණු/ නුපුහුණු කාන්තා ශ්‍රමිකයන් හෝ ගෘහසේවිකාවන් සඳහා. නමුත් මම යන්නේ කුසලතා සහිත පුද්ගලයන් සඳහා වූ රැකියාවකට. ඒ සඳහා වෙබ් අඩෙවියේ සඳහන් ලේඛන මා සතුව තිබෙනවා.” ඇය පවසා සිටියාය.
නමුත් අවසර ලබා ගැනීමට නොහැකි වූ ඇය, තම හිතවතුන්ට කතා කරමින් මේ සම්බන්ධයෙන් උපදෙස් හා උපකාර පතන්නට විය. තවත් පැය හතරක පමණ කාලයකින් ඇයගේ ගුවන්යානය පිටව යන්නීය.
“පවුල් පසුබිම් වාර්තාවක් සහ ග්‍රාමසේවක සහතිකයක් ඕනි. නැතිනම් පිටවෙන්න අවසර දෙන්න බෑ.”
“ඒ සියල්ල අවශ්‍ය වෙන්නේ පුහුණු/ නුපුහුණු කාන්තා ශ්‍රමිකයන් හෝ ගෘහසේවිකාවන් සඳහා. නමුත් මම යන්නේ කුසලතා සහිත පුද්ගලයන් සඳහා වූ රැකියාවකට. ඒ සඳහා වෙබ් අඩෙවියේ සඳහන් ලේඛන මා සතුව තිබෙනවා.” ඇය පවසා සිටියාය.
නමුත් අවසර ලබා ගැනීමට නොහැකි වූ ඇය, තම හිතවතුන්ට කතා කරමින් මේ සම්බන්ධයෙන් උපදෙස් හා උපකාර පතන්නට විය. තවත් පැය හතරක පමණ කාලයකින් ඇයගේ ගුවන්යානය පිටව යන්නීය.
දෙමාපියන් සමඟ ගුවන්තොටුපල පරිශ්‍රයේ සිට ඇය දරණ සියලු උත්සාහයන් ව්‍යාර්ථ විය. ග්‍රාමසේවක දුරකථනයෙන් සම්බන්ධ කර ගැනීමට දැරූ සියලු උත්සාහයන් ව්‍යාර්ථ විය. දුරකථන මගින් ඇයට අදාළ ප්‍රාදේශීය ලේකම් කාර්යාලය සම්බන්ධ කරගැනීමේදීද අසන්නට ලැබුණේද උද්ධච්ඡ ස්වරයේ බැනුම් වරුසාවකි. ගුවන්යානය මඟහැරී නැවත නිවසට පැමිණෙන අතරතුර, ඇයගේ ගමේ හිටපු ග්‍රාමසේවක දුරකථනයෙන් සම්බන්ධ කර ගැනීමට ඇයට හැකි විය. එම නිලධාරියා පවසා ඇත්තේ, ප්‍රදේශය භාර ග්‍රාමනිලධාරී නිවාඩු ලබා ගෙන ඇති බවත් එම නිසා තමන් එදින අදාල ප්‍රදේශයේ වැඩ බලන බවත් ය. ගුවන්යානය මඟහැරුණත්, වචනයේ පරිසමාප්තයෙන්ම රාජ්‍ය සේවකයෙකුගේ හැසිරීමක් පෙන්වූ මේ වැඩබලන ග්‍රාමසේවකගේ ක්‍රියාකලාපය නිසා ඇයට ග්‍රාමසේවා සහතිකය එදින රාත්‍රියේම ලබාගත හැකිවිය. නමුත් දැන් ප්‍රමාද වී වැඩිය. මේ වන විට විදෙස්ගත වීම සිහිනයක්ම වන බව ඇයට පසක් වී තිබිණ. තොරතුරු සොයා යද්දී ඇය කාර්යාංශය වෙත යාම අනිවාර්ය නොවන සෙයකි. කෙලින්ම ආගමන විගමන නිශ්කාශන අංශයට ගියා නම් ඇය දැන් ගුවන් යානයේය. පුරවැසි වගකීම ඇයගේ හීනයට හරස් වී ඇත. අවසානයේ නොයෙක් ඉල්ලීම්, දුරකථන ඇමතුම් හා අයැදීම් ඉදිරියේ කාලය ඉගිල ගියේය. ගුවන්යානයද ඉගිල ගියේය. ඇය….. ඇය තවමත් ආසික්ලන්තයේ ය.
මේ වනතුරු ආසික්ලන්තයේ රාජ්‍ය සේවා ලබා ගැනීම පිළිබඳ අත්දැකීම් නොතිබුණු ඇය නැවතත් නිවෙස බලා ගමන් ගත්තේ පූර්ණ අත්දැකීම්ද සහිතවය. කේන්තිය හා දුක සම්මිශ්‍රිත හැඟීම් සහිතව නැවත උත්සාහ කිරීමට සිතමින් ඇය ආපසු ගියාය. නැවත යන ගමනේ දී වැඩබලන ග්‍රාමසේවක සම්බන්ධ කරගනිමින් තමාගේ ග්‍රාමසේවා සහතිකය ලබා ගැනීමට කටයුතු සලස්වා ගැනීමේදී ඇය ඒ වෙනුවෙන් ඉදිරිපත් කල තොරතුරු දුරකථනය මගින්ම ලබා දී අදාල ලේඛණය විද්‍යුත් තැපෑලෙන් ගෙන්වා ගත හැකි තරම් පහසු විය.
යම්කිසි කාලයකට පසු නැවත ආසික්ලන්තයට පැමිණීමට පළමුව අදහස් කළ ඇය, දැන් සදාකාලිකවම ආසික්ලන්තය හැර යාමට සූදානම් ය.
මේ දෙවන දිනයයි. සුවදායී නොවුනත්, කෙටි නින්දකින් පසු ඇය නැවතත් තම සිහිනය වෙත දිව යන්නීය. තම විදෙස් රැකියා සිහිනයට හරස් වූ සහ හරස් විය හැකි සියලු ලේඛන කඩිනමින් සකස් කර ගැනීම ඇයගේ අරමුණයි. පෙර දින සකස් කර තැබූ ලේඛනය වැඩ බැලූ ග්‍රාම නිලධාරි අතින් ලබාගත්තාය. දෙවැන්න “පවුල් පසුබිම් වාර්තාව”කි. ඒ සඳහා ප්‍රාදේශීය ලේකම් කාර්යාලය වන්දනාවේ යා යුතුය. ආසික්ලන්තයේ ප්‍රාදේශීය ලේකම් කාර්යාලයකින් කෙටි වේලාවකින් යම් දෙයක් කරගත් අයෙකු සොයා ගැනීමට වඩා කිසිවකු නොමළ ගෙයකින් අබ මිටක් සොයාගැනීම පහසු යයි හැඟේ. අදාල තොරතුරු හා පෝරම පිරවීමෙන් අනතුරුව නිලධාරියෙකු නිවසට පැමිණ ඇය අවිවාහක බවට වාර්තාවක් ලබා දී ඇත. පැය කිහිපයක් ඇතුළත පමණ එම වාර්තාව ලබා ගැනීමද එක්තරා ජයග්‍රහණයකි.
තවත් ලියකියවිලි වැඩ කිහිපයක්ද ඇයට කර ගැනීමට සිදු විය. ඇය විසින් හඳුන්වනු ලැබූ පරිදි, එය “රුපියල් විසි දෙදහසක් පමණ ගෙවා හිස් කොලයක් සහතික කර ගැනීමකි”.
ගුවන් ටිකට්පත් වෙනස් කරගැනීමෙන් පසු ඊට පසු දිනම විදෙස් ගත වීම සඳහා අවකාශ ලබා ගැනීමට ඇයට හැකිවිණි. නමුත් මේ සියල්ල සඳහා එක රැයින් ආසික්ලන්ත මුදලින් ලක්ෂයක වැඩි පාඩුවක් ඇයට සිදුවිය. නැවතත් ආසික්ලන්ත විදේශ සේවා නියුක්ති කාර්යාංශ කාර්යාල නිළධාරීන් ගුවන්තොටුපළේදී පෙර කී නාටකයම රඟ දැක්වීමට උත්සාහ කර තිබුණ ද, විදෙස් ගත වන ශ්‍රමික කාන්තාවක් ලබා ගත යුතු සහ කුසලතා සහිත රැකියාවකට විදෙස්ගත වන්නියකට අදාල යන දෙවර්ගයේම සියලු ලේඛන තමා සතු බැවින් හා එකී නිළධාරීන් සමග වාචිකව සන්නිවේදනය කල යුතු සියලු ආකාරයන් දැන සිටි බැවින් ඇයට මෙවර ගුවන් යානයට ගොඩ වීමට වාසනාව ලැබිණි. තවද, එකී නිළධාරීන් සෑමවිටකම සිය රාජකාරි හැඳුනුම්පත් කියවිය නොහැකි ලෙස සඟවා ගෙන සිටි බවද ඇය නිරීක්ෂණය කර ඇත. ආසික්ලන්තයේ දින තුනක් පුරා විවිධ රාජ්‍ය ආයතන වල කටයුතු කිරීම් වලින් ඈ ලද අත්දැකීම් සමුදාය ඇයට වටිනා බව නම් කිව යුතුමය. එකී නිලධාරීන් ව්‍යංගයෙන් දැක්වූ හැසිරීම් අල්ලසක මුලකුරු ලබා දුන්නද මා මිතුරිය ඒ සියල්ල පසෙකලා තම ප්‍රතිපත්ති රැකීමද අගය කල යුතුමය. තවද, මේ සම්බන්ධයෙන් නීතිමය පැමිණිල්ලක් ඇය විසින් කල යුතු බව මාගේ අදහසයි.
පැය කීපයක ගුවන් ගමනකින් පසු ඇය ගමනාන්තයේය. මිනිත්තු පහකින් පමණ සියලු ආගමන ක්‍රියා පටිපාටි අවසන්ය. ඇය, ඇයගේ නවාතැනට පිටව ගියාය. විදේශයක සිට පැමිණෙන කෙනෙකුගෙන් එරට ලබාගත් කාලය මිනිත්තු පහකි. ආසික්ලන්තය තම රටේ එකෙකුගෙන් උදුරා විනාශ කළ කාලය දින වලින් ගිණිය හැකිය. එකම හොඳ දැකිය හැකි වූයේ වැඩබලන ග්‍රාමසේවකගේ මිත්‍රශීලී ක්‍රියාකලාපයේ පමණි.
ඉහත කී පවුල් පසුබිම් වාර්තාවේ විශේෂත්වයක් වන්නේ එය කාන්තාවන්ට පමණක් අදාළ වීමයි. විස්තර කියවූ විට, එම සහතිකය දරුවන් සිටින කාන්තාවන් විසින් දරුවන් ආසික්ලන්තයේ තනිකර විදේශගත වීමේ කාරණාව සම්බන්ධ එකක් බව හැඟී යයි. නමුත්, මෙහිදී පැනනගින ප්‍රශ්නයක් වන්නේ, නීත්‍යානුකූලව දරුවන්ගේ භාරකාරත්වය ලද (දික්කසාද) පියෙකු ආසික්ලන්තයෙන් පිටවීමේ අවස්ථාව මෙම ලියකියවිලි කටයුතු වලින් ආවරණය නොවීමයි.
මෙයාකාරයෙන් යම්කිසි පාර්ශවයකට (මේ සිද්ධියේදී කාන්තා පාර්ශවයට) වෙනස්කොට සැලකීම ඉංග්‍රීසි බසින් discrimination යනුවෙන් හඳුන්වයි. සංසන්දනාත්මක උදාහරණයක් ලෙස, මගේ සහෝදරයා ජීවත් වන නෙදර්ලන්තයේ ව්‍යවස්ථාවෙහි පළමු වගන්තියට අනුවම එවැනි වෙනස්කම් කිරීම් සපුරා තහනම්ය. නමුත් මේ ආසික්ලන්තයයි. දියුණු රටවලට සාපේක්ෂව බැලූ කල, ආසික්ලන්තයේ සමහර රාජ්‍ය ක්‍රියාපටිපාටි පවා සකසා ඇත්තේ එක් එක් පාර්ශව වෙනස්කොට සලකන අයුරින් බව මෙයින් අපට පෙනී යයි.
ඉහත කී සහතිකය ලබා ගැනීමේ ක්‍රියා පිළිවෙලත් මාර වටවන්දනාවකි. පළමුව ග්‍රාම සේවකගෙන් චරිත සහතිකය සහ පදිංචිය සනාථ කිරීම ලිඛිතව ලබාගත යුතුය. ඊට අමතරව, පදිංචිය පිළිබඳ විස්තර සහතික කරමින් තවත් කඩදාසි පෝරමයක් ග්‍රාම සේවකගෙන්ම පුරවාගත යුතුය. දැන් පදිංචිය සනාථ කරන ලියවිලි දෙකකි. තමාට දරුවන් නොමැති බවට දිවුරුම් ප්‍රකාශයක්ද, සාමවිනිසුරුවරයෙක් හෝ නීතිඥයෙක් මගින් සහතික කරගත යුතුය. මේ සියල්ල රැගෙන ප්‍රාදේශීය ලේකම් කාර්යාලයට ගොස් ගරුසරු ඇතිව පිළිගැන්විය යුතුය.
තමන් අවිවාහක බව හෝ තමාට දරුවන් නොසිටින බව දිවුරුම් ප්‍රකාශ මගින් තහවුරු
කරන කාරණා නොවේ. කෙනෙකු විවාහ වූ විට හෝ දරු උපතක් වූ විට ඒ සම්බන්ධ දත්ත
හා ලියකියවිලි නිසිපරිදි පවත්වා ගැනීම රජයක කාර්යභාරයයි.
මේ සියළුම
කාරණා අනුව, මෙම පවුල් පසුබිම් වාර්තාවත්, ඒ සම්බන්ධ ක්‍රියාපටිපාටීනුත්
කාලය හා මුදල් කා දමන ව්‍යාජ නාටකයක් බව අපගේ මතයයි.
තවද,
ග්‍රාමසේවක හෝ වෙනයම් හෝ නිලධාරියෙක් නිවාඩු ලබා ගැනීමේ දී තමා වෙනුවෙන්
වැඩ බලන නිලධාරියා සම්බන්ධ කර ගත හැකි තොරතුරු සේවාලාභීන්ට ලබා දීම හෝ, එම
නිලධාරියා වත සේවාලාභීන් යොමු කිරීම සිදු කල යුතුය. නැතිනම් තම දුරකථනය වෙත
එන පණිවිඩ හෝ ඇමතුම් අදාල වැඩ බලන නිලධාරියා වෙත හරවා තැබීම සිදු කල
යුතුය. මෙවන් මූලික වෘත්තීයමය සාරධර්ම පවා නොදන්නා නිලධාරීන් ආසික්ලන්ත
රාජ්‍ය නිලධාරීන් ලෙස පත් කර තිබීද කණගාටුදායකය.
අදාළ කාර්යාංශයෙන් ඇයව ගුවන්තොටුපළේ රඳවාගෙන ඇත්තේ, ඇගේ ගමනාන්තය වන රටෙන්
ලබා දුන් වීසා පතෙහි “Work visa” ලෙස පැහැදිලි ඉංග්‍රීසියෙන් සඳහන් කර
තිබූ නිසා බව අපගේ හැඟීමයි. සංචාරක වීසා ස්ටිකරයක් හා දීර්ඝ පදිංචිය සඳහා
රටට ඇතුළු වීමේ වීසා ස්ටිකරයක් අතර බැලු බැල්මට ලොකු වෙනසක්
නොපෙනෙන්නාවූත්, දීර්ඝ පදිංචිය සඳහා රටට ඇතුළු වීමේ වීසා ස්ටිකරයෙහි
“රැකියාවක් සඳහා අවසරය ඇති” බව ඉංග්‍රීසි නොවන බසකින් ඉතා කුඩා අකුරින්
සඳහන් වූත්, ෂෙන්ගන් කලාපීය රටකට මෑතකාලීනව සංක්‍රමණය වූ ආසික්ලන්ත
කාන්තාවකගේ මේ සම්බන්ධ අත්දැකීම්ද සංසන්දනාත්මකව දැන ගැනීමට අපි
කැමැත්තෙමු.
රටක පැවැත්ම තබා ගැනීම සඳහා උගතුන් රට හැරයාම, එහෙමත් නැතිනම් බුද්ධිගලනය වලක්වා ගත යුතුය යන්න පවසමින් කෑ ගසන ආසික්ලන්තයේ පාලකයින්ම බුද්ධිගලනය සිදුවන තැනට වැඩ සැලැස්වීම කණගාටුදායකය. තවත් හාස්‍යජනක ප්‍රවෘත්තියක් මේ සිදුවීම් දාමය සිදුවී දිනකට පසු අසන්නට ලැබිණ. “විදෙස් රැකියා ජාවාරමට උදව් දෙන්නේ ගුවන්තොටුපල උදවිය” යන මැයෙන් ආසික්ලන්ත පාලකයෙකු පවසා ඇති බව ආසික්ලන්ත ප්‍රවෘත්ති නාලිකාවක් විසින් විකාශය කරන ලද බව මට අසන්නට ලැබිණ. එම වීඩියෝ දර්ශන වල මා මිතුරිය විදෙස් ගත වීමේදී ගැටලු ඇති කරන ලද නිලධාරීන්ද සිටි බව ඇය හඳුනාගෙන තිබිණ.
මාගේ මිතුරියගේ අදහස නම් ආසික්ලන්තයෙන් සදාකාලිකවම පිටව යාමටය. එමෙන්ම,
තීරණාත්මක මොහොතක ඇයට සිදු වූ පාඩුවත්, මානසික හිරිහැරයක් සලකන කල, ඇය
විසින් උපයනු ලබන විදේශ මුදල් කිසිදාක ආසික්ලන්තයේ ආයෝජනය නොකෙරෙනු ඇත.
කෙසේ
වෙතත් එක්තරා රටක් වූ ආසික්ලන්තයේ අකටයුතුකම් වල නිමක් නොවේ නම්, ඉන්
ඉවත්ව මානසික සුවතාවයෙන් පිරි රටකට සංක්‍රමණය වන්නට සැමට අවස්ථාව ලැබේවා
යන්න මාගේ පැතුමයි. මේ පිළිබඳව කල යුතු දෑ හා ගත යුතු ක්‍රියාමාර්ග
සම්බන්ධයෙන් මම නිර්දේශ හෝ යෝජනා ලබා නොදෙමි. නමුත් තවත් එකෙකුට මෙසේ සිදු
නොවන්නට නම් එක් කරුණක් සිහි තබා ගත යුතු බව මතක් කරමි. එනම් ආසික්ලන්ත
රාජ්‍ය අංශයේ වැඩක් කර ගැනීමට අවශ්‍යනම් තමාගේ කාර්යයට අදාල ලිපිලේඛන
හැරුණු කොට “අල්ලපු ගෙදර බල්ලාගේ පුක කැසීමට හේතුව” ලිඛිතව ආසන්න ආසික්ලන්ත
රාජ්‍ය නිලධාරියෙකුගෙන් ලබාගෙන සිටීම යෙහෙක බව මතක් කර සිටිමි.
මේක ගැන ෆේස්බුක් එකේ දැම්මා නම් මීට වඩා අවධානයක් ලැබෙනවා.ඇත්තටම මම කීප වරක්ම දැකලා තියනව ඔය විදේශ සේවා නියුක්ති කාර්යාංශයේ එවුන් විශේෂයෙන්ම මැදපෙරදිග සේවය සඳහා යන කාන්තාවන් ට සලකන හැටි. බලන්නෙම ලෙඩක් අදින්න. විස්තර ඇතුව කම්ප්ලේන් එකක් කරන්න.
ReplyDeleteමුහුණු පොතේ වැඩි අවධානයක් තිබුනත් දෙයක් ගැන මිනිස්සු විස්වාස කරන ප්‍රමාණයතවමත් බ්ලොග් වල වැඩියි. ගත්ත තැන මෙන්ශන් කරල මේක කොපි කරල මුහුණු පොතේ දානවට අපේ විරුද්ධත්වයක් කවදත් නැහැ.
Delete