කලුතර දිස්ත්‍රික්කයට අයිති තවත් දිය ඇල්ලක් තමයි පිළිතුඩ ඇල්ල එහෙමත් නැතිනම් අත්වැල්තොට ඇල්ල කියන්නේ. ගොඩක් උස නැති වුනත් අපූරු සුන්දරත්වයක් තියෙන දිය ඇල්ලක්. කළුතර දිස්ත්‍රික්කයේ පාලින්දනුවර ප්‍රාදේශීය ලේකම් කොට්ඨාශය හරහා ගලා බසින
කුකුළේ ගඟේ අතු ගංගාවක් වන පැලන් ගඟ මගින් අත්වැල්තොට දිය ඇල්ල නිර්මාණය වෙනවා.
අගලවත්ත තිරුවාණකැටිය පාර දිගේ යද්දී හමුවෙන අත්වැල්තොට ප්‍රදේශයේ ප්‍රධාන පාර අයිනෙම වගේ තියෙන දිය ඇල්ලක්. සම්පූර්ණ ඇල්ල මීටර 5ක් විතර උස වුනත් කොටස් දෙකකට තමයි ගලා හැලෙන්නේ. මෙයින් ප්‍රධාන කොටස මීටර තුනක් විතර වෙනවා.මාර්ගය අයිනේ තියෙන නාමපුවරුව නිසා තැන හොයා ගන්න ඒ තරම් අපහසුවක් නැහැ.
16 වැනි සියවසේදී පාලින්දනුවර රජකම් කල වීදිය බණ්ඩාර කුමරු මෙම ස්ථානයේ ස්වර්ණාභරණ හා මැණික් සඟවා ඇති බවටත් පුරාවෘතයේ කියැවෙන දිය ඇල්ල ගැන තව තවත් මත ගනනාවක්ම තියෙනවා. විවධාකාර ආවේණික
මත්‍ය විශේෂ ගණනාවක් වගේම අවට පරිසර පද්ධතියේද විශේෂ වැදගත්කමක් තියෙනවා.
දිය ඇල්ල
ඉහල තියෙන තටාකයට එකතු වෙලා පහලට වැටෙද්දී ගල් කුහරය තුලට යන බවත් ඒ උස අඩි 10ක්
විතර වෙන බවත් කියවෙනවා. ඒ වුනත් අපට පිටතට පෙනෙන්නේ ඉතා කුඩා ප්‍රමාණයක් නිසාවෙන්
මෙය දිය ඇල්ලක් නොවන බවටත් මතයක් තියෙනවා.
ජලපහර නිසා ස්වාභාවිකව ගල හෑරී ලිං සෑදී ඇත. එනිසා දිය ඇල්ලෙන් දිය නෑම නම් ඒ තරම් හොඳ වැඩක් නෙවෙයි. නමුත් දිය ඇල්ල දිගේ ඉහලට හෝ පහලට ගියාම දිය නාන්න සුදුසු ස්ථාන ඕනෑ තරම් තියෙනවා. දිය ඇල්ල මේ වෙද්දීත් ජීවිත ගණනාවක් බිලි ගෙන තියෙන නිසා දිය ඇල්ලේ නම් නාන එක නුවණට හුරු වැඩක් නෙවෙයි.
දිය ඇල්ල බලන්න යන්න ඒ තරම් අමාරුවක් නැති නිසා යන එන ගමන් නැවතිලා බලල යන්න. නමුත් ඒ තැන තවකෙනෙකුට බලන්න ඉතිරි කරල එන්න.
No comments:
Post a Comment
කුණුහරුප හැර ඕනෙම දේකට මෙන්න ඉඩ!
තමන්ගෙම අදහසක් දාන්න කොමෙන්ටුවක් විදිහට අනිත් අයටත් හිතන්න..!