අද 2012 මැයි මාසෙ 28 වෙනිදාග පුංචි පහේ රිය අනතුරක් වුනා. මේක ලංකාවේ සාමාන්‍ය දෙයක් වුනත් ඒ අවස්ථාවේ වුන දේවල් නිසා ඒක ගැන ලියන්න හිතුනා. මම මාගේ සමාවාසික විභාගය ලියල එන ගමන් දැක්කා බස් රථයක් එනවා. ඒත් ඒක ටිකක් අමුතුයි වාගේ. රියදුරුතැනගේ පැත්ත තිබුනේ නැහැ කියල දැක්කේ ලඟට ආවාමයි. කස්ටිය අත් දාගෙන අයින් වෙන්න සංඥා කලා. මමත් ගනන් ගන්නේ නැතුව ඉස්සරහට යද්දී මිනිස්සු ඇඟපත පිස දමමින් එනවා පාර පැත්තට. ඒ එක්කම අසල කුඹුරක ලොකු ටිපර් රථයක් තිබුනා.
එතැනට ගියාම තමා වැඩේ තේරු‍ණේ. බස් එක වාහනේකට ඉස්සර කරල. අනිත් පැත්තෙන් ආව ටිපර් එක බ්රේක් කලත් නැවතිලා නැහැ. කුඹුරට දාල බස් එක බේරන්න හදල. ඒත් පිටුපස කෙලවර බස් එකේ වැදිල. බස් එකේ මූණ කුඩු. රියදුරාට බ්රේක් ගහන්න විදිහක් නැහැ ඒ ටික කුඩු වෙලා නිසා. මට සංඥා කරල තියෙන්නේ බ්රේක් නැහැ කියල. බස් එක නැවතුනේ මීටර 300ක් විතර ගිහින්. ඒ අතරේ බස් එකේ හිටි අය එකා දෙන්නා බස් එකෙන් පැනල. ඒ අය තමා ඇඟපත පිසදමමින් ඇවිත් තියෙන්නේ. මේ බොහෝම බයානක වැඩක් මොනා වුනත් යන බස් එකෙන් පනිද්දී කකුල වත් පැටළුනොත් බස් එකේ රෝදෙට යට වෙන එක නම් අනිවාර්යයි. බස් එක නැවතුන ගමන් බස් රථයේ රියදුරා වෙනත් වාහනයක නැගල ගිහින්.
ane dewiyane !
ReplyDelete