කැමරාවද ලෙන්ස් එකද????

ඡායාරූපකරණයට ආධුනික ඔබට ආරම්භයේදී ඇති වෙන්නා වූ ගැටලුවක් වන්නේ අපි ලඟ තියෙන මුදල කොයි විදිහටද වියදම් කරන් ඕන කියන එක. මම කලින් ලියපු කැමරාවක් තෝරගන්න කලින් කියන ලිපිය කියවලා යම් කරුණු ටිකක් එකතු කරගන් පුළුවන්. ඒ වගේම තමයි කැමරාව තෝරගනිද්දී කැමරාවට වියදම් කරනවාට වඩා ලෙන්ස් වලට වියදම් කරන්න කියන එක නම් වඩා වාසිදියක වෙනවා. හොඳම දේ වෙන්නේ තමා ලඟ තියෙන මුදලින් වැඩි ප්‍රමාණය ලෙන්ස් එක වෙනුවෙන් වෙන් කරන එක. මොකද කොයි වෙලාවේදීත් පින්තූරය හදන්නේ ලෙන්ස් එකෙන් වීමත් කැමරාව කරන්නේ ඒ සකස් කල පින්තූරය අල්ලා ගෙන ගබඩා කිරීමත් නිසා.

මේ එක්කම සාමාන්‍යයෙන් තාක්‍ෂණය අලුත් වෙනවාත් එක්කම කැමරාවල මිල අඩු වෙනවා. නමුත් ලෙන්ස් එකක් ඒ විදිහට මිල අඩු වෙන ප්‍රමාණය අඩුයි. තව දෙයක් තමයි ඔයාල තෝරගන්න කැමරාවත් එක්ක ඒ කැමරාවට ගැලපෙන ලෙන්ස් කීයක් විතර තියෙනවා ද කියන එකත් හොයල බලන්න කියලත් මම මතක් කරන්න කැමතියි. සමහර අය මේකත් එක්ක එකඟ නොවෙන්න පුළුවන්. නමුත් විවිධ වැඩ කරන කෙනෙක් නම් ඒ ඒ වැඩ වලට අවශ්‍ය වෙන ලෙන්ස් තියෙනවාද කියන එක බොහෝම වැදගත් වෙනවා. මොකද වැඩක් කරන්න ගියාම හදිසියට ලෙන්ස් එක ගන්න නැති වුනොත් මොකද වෙන්නේ...

තව වාදයක කෙලවර තමයි කැමරාව පිටුපස ඉන්න කෙනාද නැත්තම් කැමරාවද වැදගත් කියන එක. ඒකට නම් සරලම පිලිතුර තමයි ලෝකෙ තියෙන හොඳම කියන කැමරාවත් හොඳම කියන ලෙන්ස් එකත් අන්ධයෙකුට දුන්නොත් මොකද වෙන්නේ. පින්තූර තියේවි හැබැයි ඒ පින්තූර වල වැඩක් තියෙනවද කියන එක පිලිබඳ ගැටලුවකුත් එක්ක. ඒ නිසා පළමුව හොඳ ඡායාරූපශිල්පියෙකු වන්න. හොඳ ඡායාරූප ගන්න ඉගෙන ගන්න. ඡායාරූප කියවන්න ඉගෙන ගන්න. එතැනින් පස්සේ ඔයාලටම තේරෙන්න ගන්නවා ඔයාල ගන්න ඕන කැමරාව මොකක්ද ලෙන්ස් එක මොකක්ද කියන එක. ඒ නිසා මූලික කැමරාවක් එක්ක හොඳ ලෙන්ස් ගන්න එක තමා වඩා වැදගත් වෙන්නේ..

එහෙම නම් තියෙන ගැටලු මේ ලිපිය පහලින් කොටාගෙන යන්න.. අපි කතා කරමු මොකක්ද වෙන්නේ කියල... හැමෝටම ජය වේවා